FEMEN-ուհիներն ընդդեմ Սթրոս-Կանի

Ուկրաինական FEMEN շարժման ակտիվիստուհիները Ֆրանսիայի մայրաքաղաքում բողոքի ակցիա են անցկացրել Դոմինիկ Սթրոս-Կանի տան առջեւ. տեղեկացնում է Euronews-ը:

Արժույթի միջազգային հիմնադրամի նախկին ղեկավարը ոստիկանություն է կանչել, սակայն ոստիկանները չեն շտապել միջամտել:

Ուկրաինուհիները կոչ են արել տղամարդկանց ստորացումներից ու ոտնձգություններից տուժած ֆրանսուհիներին. «Ֆրանսիա', դուրս արի, հանվիր, պայքարիր»:

«Մենք համարում ենք, որ Ֆրանսիայում, եթե տղամարդը փող ու իշխանություն ունի, օրենքները նրա համար գրված չեն: Այդ պատճառով եկել ենք Ուկրաինայից, որպեսզի աջակցենք ֆրանսուհիներին, որպեսզի հայտարարենք, որ մենք նրանց հետ ենք եւ դեմ` այն խելագարներին, ինչպիսին Սթրոս-Կանն է»,- հայտարարել են ակտիվիստուհիները:

Ի դեպ, նրանց հաջորդ թիրախը Իտալիայի վարչապետ Սիլվիո Բեռլուսկոնին է: