Ինչպես բռնագրավել են, այնպես էլ վերադարձնելու են

Թուրքիայի փոխվարչապետ Բյուլենթ Արընչն իր տիկնոջ հետ երգել է Անթաքիայի քաղաքակրթությունների երգչախմբում`կատարելով «Թուրք եմ» երգը։

Ըըստ Haberturk-ի` երգչախմբի` մոտ 1 ժամ տեւած համերգի ժամանակ հնչել են երգեր հայերեն, թուրքերեն, եբրայերեն եւ արաբերեն լեզուներով:

Համերգի ավարտին Արընչը խոսել է ազգային փոքրամասնությունների ունեցվածքը վերադարձնելու` կառավարության որոշմանը:  «Ինչպես բռնագրավել ենք այդ ունեցվածքները, այնպես էլ դրանք վերադարձնելու ենք համայնքներին։ Դա Թուրքիայի համար պատվի հարց է»,- ասել է նա:

Անթաքիայի քաղաքակրթությունների երգչախումբը ձևավորվել է 2007թ. Հաթայի նահանգապետարանի կողմից։ Երգչախմբում ընդգրկված են քրիստոնեության, հուդայիզմի և իսլամի հետևորդներ, տարբեր ազգությունների ներկայացուցիչներ, այդ թվում՝ հայեր։ Երգչախումբը 2012թ. Խաղաղության Նոբելյան մրցանակի հավակնորդներից է: