Աբրամովիչի առանձնատունը բռնագրավել են

Իտալիայի ոստիկանությունը վերջերս բռնագրավել է Cala du Vople առանձնատունը, որը գտնվում է հայտնի Պորտո-Չերվո հանգստավայրում եւ պատկանում է ռուսաստանցի միլիարդատեր Ռոման Աբրամովիչին:

«Նովոստի» գործակալությունը տեղեկացնում է, որ առանձնատան դարպասներին պաշտոնական թուղթ է ամրացված, ըստ որի` կառուցապատման օրենքները խախտելու համար շինությունը բռնագրավված է, նշված է նաեւ գործի համարը:  

Ներկայումս դատախազությունը հետաքննում է, թե շինության ներսում կատարված աշխատանքները որքանով են համապատասխանում տեղական եւ ազգային օրենսդրությանը: Մասնավորապես` խոսքը այդ տարածքի ներսում մի քանի շինության բարձրության մասին է:

Աբրամովիչն այս առանձնատունը գնել է տեղացի մի բժշկից: Ծովափին կառուցված այդ հրաշագեղ կառույցը դեռեւս միայն գլխացավանքների աղբյուր է «Չելսի» ֆուտբոլային ակումբի սեփականատիրոջ համար: