Հակագնչուական ցույց` Սոֆիայում

Երեկ ավելի քան 20 հազար մարդ հակագնչուական կարգախոսներով ցույցի է դուրս եկել Բուլղարիայի մայրաքաղաք Սոֆիայում. տեղեկացնում է mignews.com-ը:

Ակցիան գնչուական փոքրամասնության դեմ ուղղված` արդեն մի քանի օր ձգվող զանգվածային ելույթների շարունակությունն է: Հիշեցնենք, որ մի քանի օր առաջ Պլովդիվի մոտակայքում գնչուական բարոնը վրաերթի էր ենթարկել մի պատանու, որը մահացել էր:

Բուլղարիայի նախագահ Գեորգի Պրվանովը երկրի քաղաքացիներին «ատելությունից եւ ծայրահեղականությունից զերծ մնալու կոչ է արել: Իսկ «Ատակա» արմատական կուսակցության առաջնորդ Վոլեն Սիդերովը, իր հերթին, հայտարարել է մահապատիժը վերականգնելու եւ գնչուական գետտոն վերացնելու անհրաժեշտության մասին: