Բրայզան Ադրբեջանի տնտեսությունը համեմատել է խանության հետ

Կոռուպցիան Ադրբեջանի հիմնական խնդիրն է: Այդ երկրի տնտեսությունը կենտրոնացած է իշխող խմբավորումների ձեռքում: Ադրբեջանական Contact.az էլեկտրոնային պարբերականի համաձայն`  սեպտեմբերի 28-ին այդ մասին Կասպիական-եվրոպական գործնական ինտեգրացիոն ակումբի անդամների հետ հանդիպման ժամանակ հայտարարել է Ադրբեջանում ԱՄՆ դեսպան Մեթյու Բրայզան:

«Ավելի վաղ Ադրբեջանում կային խանություններ, հիմա դրանք չկան: Թեեւ Ադրբեջանը անկախ պետություն է, սակայն տնտեսական համակարգում նման խանությունները դեռ մնում են: Դրա համար էլ ամերիկյան ընկերություններին դժվար է այստեղ աշխատել, նրանց համար անհասկանալի է` ում հետ աշխատել եւ զարգացնել բիզնեսը»,- ասել է դեսպանը: