Հնարավոր է` բանակցային սեղանին նոր փաստաթուղթ հայտնվի

Մադրիդյան սկզբունքների «մահվան» դեպքում հաջորդ քայլը կլինի Ստեփանակերտ-Բաքու անմիջական երկխոսությունը: Իրադարձությունների նման զարգացման պարագայում մոտ ժամանակներս կարելի է սպասել բանակցությունների նոր ձեւաչափ, նաեւ նոր փաստաթուղթ բանակցային սեղանին. այսօր լրագրողների հետ հանդիպման ժամանակ նշեց քաղաքագետ «Եվրոպական ինտեգրացիա» հասարակական կազմակերպության ղեկավար Կարեն Բեքարյանը:

Ըստ նրա` այն պահից երբ Ադրբեջանը մերժեց Մադրիդյան սկզբունքները, պարզ դարձավ, որ Արցախին «աշխարհում չտեսնված` ամենալայն ինքնավարություն» տալու խոստումները բացարձակ սուտ են:

աղաքագետի կարծիքով`իր առաջարկած սցենարն ավելի հավանական է, քան երկարատեւ դիմակայությունը, որը կանխատեսվեց Կազանի հանդիպման տապալումից հետո: «Պետք չէ մոռանալ, որ տարածքաշրջանը գերպետությունների շահերի բախման տեղ է, եւ այդ գործընթացը կախված է նաեւ միջազգային խաղացողներից»,- նշեց նա:

Կ. Բեքարյանի խոսքերով` Լեռնային Ղարաբաղի բանակցությունները կախված են նաեւ ՌԴ նախագահ Դմիտրի Մեդվեդեւի` նախագահական ընտրություններին իր թեկնածությունն առաջադրելու հանգամանքից. նա կփորձի Լեռնային Ղարաբաղի գործընթացին որոշակի ազդակ հաղորդել: