Հիմնադրամ` փարանջա կրելու համար տուգանքները վճարելու համար

Արաբական ծագմամբ ֆրանսիացի գործարար Ռաշիդ Նեքքազը 1 մլն եվրոյի հիմնադրամ է ստեղծել եւ պատրաստվում է վճարել բելգիական եւ ֆրանսիական իշխանությունների կողմից հասարակական վայրերում փարանջա կրելու համար տուգանված կանանց փոխարեն. տեղեկացնում է France 24 հեռուստաալիքը:

Անցած չորեքշաբթի օրը 38-ամյա Նեքքազը մեկնել է Բելգիա եւ ծախսել հիմնադրամի առաջին 100 եվրոն` վճարելով 2 մահմեդական կանանց տուգանքները:

«Ես կողմ են օրենքին, որը դատապարտում է այն ամուսիններին, որոնք իրենց կանանց պարտադրում են հիջաբ կրել ու նստել տանը: Սակայն, միաժամանակ, հանդես եմ գալիս հօգուտ տեղաշարժման ազատության եւ ժողովրդավարության»,- հայտարարել է գործարարը:

Նա կոչ է արել մահմեդական կանանց` կվախենալ չադրայով փողոց դուրս գալ: «Վճարելով այդ տուգանքները ես ցանկանում են ցույց տալ այդ օրենքի անարդյունավետությունն ու անիմաստությունը»,- հավելել է Նեքքազը: