Կոմերցիոն սեքս` ծովափերում

«Հանգիստը միշտ ասոցացվում է վնասակար ցանկությունների` խմիչքի, ցոփ կենսակերպի հետ, հատկապես ծովափին, որտեղ լողազգեստով աղջիկների փունջ է և կոմերցիոն սեքս առաջարկող մարդկանց մեծ խմբեր»,-լրագրողների հետ հանդիպմանն ասաց մաշկաբան, սեռավարակաբան Կարեն Վարդանյանը:

Նրա խոսքով, սեռավարակներն ավելանում են հատկապես ծովափնյա հանգստից հետո, հետևաբար, զուգընկեր կամ զուգընկերուհի ընտրելիս մաշկաբանը խորհուրդ է տալիս զգույշ և պատրաստ լինել` չմոռանալով հետևել անձնական ու անկողնային հիգիենային:

Մաշկաբանը հավաստիացրեց, որ նույնիսկ ամենաբարձրակարգ հյուրանոցներում անկողնու սպիտակեղենը բացարձակ վարակազերծված չի և որոշ հարուցիչներ, հատկապես սնկային սպորները, շատ հեշտությամբ կարող են փոխանցվել: