Օսլոյում ահաբեկչության զոհ է դարձել մոտ 100 մարդ (տեսանյութ)

Երեկ գիշեր Նորվեգիայի մայրաքաղաք Օսլոյում տեղի է ունեցել 2 ահաբեկչական հարձակում` պայթյուն կառավարության շենքի մոտ եւ կրակոցներ Նորվեգիայի աշխատանքային կուսակցության երիտասարդական ճամբարում. տեղեկացնում է CNN-ը:

Ոստիկանությունը հայտնել է, որ այսօր առավոտյան արդեն հաշվվում է ավելի քան 100 զոհ: Սպանվածների մեծ մասը 14-19 տարեկան պատանիներ են:

Ահաբեկչի ինքնությունն արդեն պարզվել է` 32-ամյա նորվեգացի Անդրես Բերինգ Բրեյվիկ: Ձերբակալության ժամանակ նա դիմադրել է ոստիկաններին։ Նրան ձերբակալել են միայն հրազենային վնասվածք հասցնելուց հետո։

Թեեւ որոշ ԶԼՄ-ներ հրապարակել են ահաբեկչի լուսանկարն ու անունը, ոստիկանությունն առայժմ չի հաստատում ձերբակալվածի ինքնությունը։ Իրավապահները պնդում են նաեւ, որ նա աջ ծայրահեղական է և որեւէ առնչություն չունի իսլամական ահաբեկչական կազմակերպությունների հետ։