Արեւելքն ու արեւմուտքը միացնող գիրքը

Լույս է տեսել բանաստեղծ և թարգմանիչ Սարգիս Կիրակոսյանի «Մայրիներուն ծիածանը»` լիբանանյան արդի բանաստեղծության անթոլոգիան: Գրքում ներառված են լիբանանաբնակ 7 ժամանակակից գրողների բանասեղծություններ:

Ազգությամբ արաբ հեղինակները ներկայացնում են 20-րդ դարի լիբանանյան արդի պոեզիան, որը, չնայած կրում է եվրոպական գրականության ազդեցությունը, սակայն ներկայացնում է հեղինակների ստեղծագործության ուրույն դեմքը:

Ս. Կիրակոսյանը նշեց, որ 7 բանաստեղծներից մեկը դավանում է իսլամ, իսկ մնացածը` քրիստոնեություն: «Պոեզիան և բանաստեղծական միստիցիզմը Արևելքում է, իսկ Արևմուտքը տրամաբանության աշխարհն է. գրքում միավորված են այդ երկուսը»,- ավելացրեց հեղինակը:

Գիրքը հեղինակի 5 տարիների տքնաջան աշխատանքի արդյունքն է: