Սթրոս-Կանին ազատել են տնային կալանքից

Այսօր Նյու Յորքի դատարանը վճիռ է կայացրել Արժույթի միջազգային հիմնադրամի նախկին ղեկավար` բռնաբարության մեջ մեղադրվող Դոմինիկ Սթրոս-Կանին տնային կալանքից ազատելու մասին: Նա պարտավորվել է առաջին իսկ պահանջով ներկայանալ դատարան:

Հետաքննությամբ պարզվել է, որ նյույորքյան հյուրանոցի սպասուհին, որը մեղադրել էր Սթրոս-Կանին իր դեմ ոտնձգությունների մեջ, իր մասին ոչ հավաստի տեղեկություններ է ներկայացրել, բացի այդ` նրա ցուցմունքներում նույնպես անճշտություններ են հայտնաբերվել:

Բացահայտվել է նաեւ, որ սպասուհին դատապարտված մեկի հետ քննարկել է ԱՄՀ նախկին նախագահի դեմ հայց ներկայացնելու հեռանկարները: Պարզվել է, որ ավելի վաղ այդ մարդը կնոջ բանկային հաշվին գումարներ է գցել:

Գործով զբաղվող դատախազը նույնիսկ քննարկում է գործը կարճելու հարցը: