Կաննի գլխավոր մրցանակակիրը` "Ոսկե ծիրանում"

Երկար բանակցություններից հետո «Ոսկե ծիրան» միջազգային կինոփառատոնն այս տարի կներկայացնի Թերենս Մալիկի «Կենաց ծառ» ֆիլմը, որը 2011 թվականի Կաննի միջազգային կինոփառատոնում արժանացել է գլխավոր մրցանակին՝ «Ոսկե արմավենուն». տեղեկացնում է «Ոսկե ծիրան»-ի մամուլի կենտրոնը:

Մալիկը նկարահանել է ընդամենը 4 ֆիլմ, եւ բոլորն էլ արժանացել են բարձր գնահատականի:

Կաննում մրցանակի հանձմանը ռեժիսորը ներկա չի եղել. նա երբեք չի հանդիպում լրագրողների հետ և չի մասնակցում կինոփառատոներին:

«Կենաց ծառ» երևակայական դրաման մի ընտանիքի պատմություն է, որում խոսվում է տիեզերքի, մարդկային հարաբերությունների և ընտանեկան արժեքների մասին: