Ստալինը գիտեր պատերազմի մասին

Ռուսական «Լեւադա» կենտրոնը հարցում է անցկացրել, թե արդյո՞ք Ստալինն իմացել է, որ Հիտլերը 1941 թվականի հունիսի 22-ին հարձակվելու է Խորհրդային Միության վրա:

Հարցվածների 48 տոկոսը պատասխանել է, որ պատերազմն անսպասելի չէ եղել ԽՍՀՄ ղեկավարների համար, իսկ 46 տոկոսը հակառակ կարծիքն է հայտնել:

Ինչպես հաղորդում է «Ինտերֆաքսը», հարց է եղել նաեւ այն մասին, թե որքանով են ռուսները համակրում այդ պատերազմին մասնակից ազգերին: Պարզվել է, որ առաջատար դիրքերում են իտալացիները եւ ֆրանսիացիները (39 տոկոս), ճապոնացիները (38 տոկոս), անգլիացիները (35 տոկոս), գերմանացիները (36 տոկոս) եւ ֆինները (34 տոկոս):

Ամենաքիչ համակրելիները լեհերն (26 տոկոս) ու ամերիկացիներն (31 տոկոս) են: