ՀԱՅԿԱԿԱՆ ԺԱՄԱՆԱԿ. Լեզվակռիվը վերածվել է կռվի

Թերթի տեղեկություններով` երեկ  կեսօրին Հայաստանի ճարտարագիտական պետական համալսարանի դիմաց տեղի է ունեցել կռիվ, նաեւ կրակոցներ են հնչել:

Ուսանողության շրջանում տարածված լուրերի համաձայն` կռիվը բռնկվել է Երեւանի ճարտարապետության եւ շինարարության պետական համալսարանի ճարտարապետության ֆակուլտետի ուսանողների միջեւ դիպլոմայինի պաշտպանության ընթացքում ծագած վեճից: Այսինքն` բուհի պատերի ներսում ծագած լեզվակռիվը դրսում վերածվել է կռվի:

Տարբեր տեղեկություններով` դեպքի վայրից մի հոգի մարմնական վնասվածքներով տարվել է հիվանդանոց, իսկ չորս հոգու էլ իրավապահները բերման են ենթարկել ոստիկանության բաժին:

Միջադեպի հետ կապված` ոստիկանությունից պարզաբանում ստանալու մեր փորձերն անցել են ապարդյուն: