Եվրատեսիլյան ապտակ

Եվրատեսիլում հաղթանակից հետո համաշխարհային մամուլն Ադրբեջանին հիշատակում է որպես մարդու իրավունքների եւ ժողովրդավարության տեսակետից վատ համբավ ունեցող երկիր:

Ըստ ադրբեջանական «Ազադլըգ» թերթի`այդ թեմային իրենց հրապարակումներում հիշատակել են գերմանական Der Spigel հանդեսը եւ ֆրանսիական France Presse գործակալությունը:

Der Spigel-ը, մասնավորապես, գրում է. «Ադրբեջանը հիշեցնում է միջնադարյան Եվրոպան, որտեղ ոտնահարվում են մարդու իրավունքները, կոռուպցիան բարձր մակարդակի վրա է, իսկ երկիրը կառավարվում է ավտորիտար կանոններով»:

Հանդեսը նաեւ նշում է, որ Ադրբեջանը պետք է ջանքեր գործադրի մարդու իրավունքների եւ ժողովրդավարության բնագավառներում բարեփոխումներ իրականացնելու ուղղությամբ, այլապես` «Եվրատեսիլ-2012»-ը Բաքվում անցկացնելու գործում լուրջ խնդիրներ կառաջանան: