Դինքի սպանության գործով հերթական կասկածյալը

Տրաբզոնի նախկին ոստիկանապետ Ռեշաթ Ալթային` որպես Հրանտ Դինքի սպանության գործով կասկածյալ, կանչել են քաղաքի դատախազություն` ցուցմունքներ տալու:  Նա ժխտել է իրեն ներկայացված բոլոր մեղադրանքները, թե տեղյակ է եղել Դինքի սպանության կազմակերպմանը. տեղեկացնում է թուրքական «Հուրիեթ» թերթը:

Ալթայը վստահեցնում է, որ Տրաբիզոնի ոստիկանությանը տեղեկություններ հաղորդող Թունչելը ստել է, թե իրեն հայտնել են, որ ազգայնական Յասին Հայալը, որը դատական գործով հիմնական մեղադրյալներից է,  կազմակերպում է «Ակօս»-ի գլխավոր խմբագրի սպանությունը:

Դինքի սպանությունից հետո Թունչելին 14 ժամ պահել էին ոստիկանության բաժանմունքում, եւ նա հայտարարել էր, որ բազմիցս տեղեկացրել է Հրանտ Դինքի հասցեին հնչեցվող շարունակական սպառնալիքների մասին, սակայն ոստիկանապետն իր հայտարարություններն անտեսել էր: