Բուկինգհեմյան պալատի ծառայողը հեռացվել է աշխատանքից

Բուկինգհեմյան պալատի գվարդիականներից մեկը ժամանակավորապես հեռացվել է աշխատանքից արքայազն Ուիլյամի հարսնացուին վիրավորելու համար. տեղեկացնում է The Daily Mail-ը:

18-ամյա Քեմերոն Ռայլին Facebook-ի իր էջում Քեյթ Միդլթոնին անվանել էր «լիրբ» եւ «անխելք կով»:

Ռայլին գրել էր. «Ուրբաթ օրը նա և Ուիլյամն անցնում էին հենց իմ կողքով: Ուիլյամը արհամարհական թափահարեց ձեռքը, իսկ նա նույնիսկ չշրջվեց իմ կողմը: Ազնվական լիրբ: Բոլորը թքած ունեն այս անխելք կովի վրա»:

Գվարդիականը չի մասնակցի ապրիլի 29-ին Ուիլյամի եւ Քեյթի ամուսնության կապակցությամբ կազմակերպվելիք շքերթին, իսկ սոցիալական ցանցում նրա որոշ նկարներ և գրառումներ գրաքննություն են անցնում: