Գյուղնախարարը գիշերն անցկացրել է գյուղերում

Ցրտահարության վտանգը շատ մեծ էր, բայց այն կանխվեց. այսօր կառավարությունում տեղի ունեցած ճեպազրույցի ժամանակ լրագրողներին ասաց գյուղատնտեսության նախարար Սերգո Կարապետյանը:

Նա նշեց, որ երեկ ամբողջ օրը մեծ աշխատանքներ են իրականացվել, բոլոր հեռախոսահամարներով հաղորդագրություններ են տարածվել, հեռուստատեսությունն անընդհատ անդրադարձել է խնդրին: Իսկ ամբողջ գիշեր նախարարը շրջել է Արմավիրի եւ Արարատի մարզերի գյուղերում, ուր ցրտահարության վտանգն ամենամեծն էր, սակայն ամպամածության շնորհիվ ցրտահարությունը մեղմվել է:

«Ակնհայտ է, որ մենք ունեցանք արդյունք, եւ այն կորուստները, որ մտահոգում էին մեզ, չունեցանք»,- նշեց նախարարը: