Ստրոս Կանը գիշերն անցկացրել է մեկուսարանում

Արժույթի միջազգային հիմնադրամի կառավարիչ Դոմինիկ Սթրոս-Կանը երեկ ձերբակալվել էր սեռական բնույթի ոտնձգությունների, բռնաբարության փորձի և ապօրինի կերպով մարդուն ազատությունից զրկելու կասկածանքով եւ այսօր կկանգնի դատարանի առջև, որտեղ էլ կորոշվի նրան գրավի դիմաց ազատ արձակելու հարցը։

Գիշերը Սթրոս-Կանն անցկացրել է հատուկ մեկուսարանում։ Նա հերքում է իրեն ներկայացված մեղադրանքները։ Սթրոս-Կաննի կինը նույնպես հայտարարել է, որ վստահ է ամուսնու անմեղության մեջ:

Այս պատմությունը մեծ հարված է ԱՄՀ 62-ամյա կառավարչի կարիերային: Նրա դեմ բողոք է ներկայացրել հյուրանոցներից մեկում աղախին աշխատող մի կին: Նա պատմել է, որ Սթրոս-Կանն իրեն ստիպել է օրալ սեքսով զբաղվել և փորձել է պատռել իր հագուստը. տեղեկացնում է  Associated Press-ը: