Օրակարգում Լիբիան եւ Լամպեդուզն են

Այսօր Եվրախորհրդարանի նիստերի հիմնական օրակարգային թեմաները Լիբիայում եւ իտալական Լամպեդուզ կղզում ստեղծված իրավիճակներն են:

«Պատգամավորները մտադիր են ուսումնասիրել Լիբիայի իրավիճակը, որտեղ չեն դադարում ռազմական գործողությունները Մուամար Քադաֆիի կողմնակիցների ու հակառակորդների միջեւ»,- հայտարարել է Եվրախորհրդարանի պաշտոնական ներկայացուցիչը` հավելելով, որ քննարկումներին մասնակցելու է նաեւ ԵՄ նախագահ Հերման վան Ռոմպեյը:

Մյուս հրատապ թեման Լամպեդուզ կղզում ստեղծված վիճակն է, ուր Հարավային Աֆրիկայից բազմաթիվ փախստականներ են գալիս: Նրանք օրերս բողոքի ցույց էին կազմակերպել` պահանջելով իրենց տեղափոխել մայրցամաք եւ լավ կենցաղային պայմաններ ստեղծել: Իսկ «անկոչ հյուրերն» իրենց այնքան էլ լավ չեն պահում. նրանց վրանային քաղաքը տեղաբնակներն անվանել են «Խայտառակության բլուր»: Ի դեպ, 5 800 բնակչություն ունեցող կղզում արդեն 6 000 փախստական կա: