Լիբիան չափավոր իսլամական պետություն է լինելու

Լիբիայի նոր իշխանությունները խոստացել են իսլամի նորմերի վրա հիմնված օրենսդրություն մշակել: Այսպիսի հայտարարությամբ հանդես է եկել Ազգային անցումային  խորհրդի ղեկավար Մուսաֆա Աբդուլ Ջալիլը:

Ըստ նրա` Լիբիան լինելու է չափավոր մահմեդական ժողովրդավարական երկիր, որի ղեկավարությունը չի ընդունում ծայրահեղական գաղափարախոսություն: «Իսլամը կլինի նոր Լիբիայի օրենսդրության հիմքը: Մենք մահմեդական ժողովուրդ ենք, որը ժամանակակից իսլամ է դավանում, եւ մենք կշարունակենք գնալ այդ ճանապարհով»,- հայտարարել է Աբդուլ Ջալիլը` ելույթ ունենալով Տրիպոլիի գլխավոր հրապարակում հավաքվածների առջեւ:

Նա նաեւ ընդգծել է, որ նոր Լիբիայում կանայք նույնպես կարւոր դեր են ունենալու:

Ազգային անցումային խորհրդի ուժերը ներկայումս վերահսկում են Լիբիայի մեծ մասը, սակայն Մուամար Կադաֆիին հավատարիմ զորամիավորումները դեռ չեն հանձնում Սիրտ եւ Բենի Վալիդ քաղաքները: Ի դեպ, մի քանի ժամ առաջ գնդապետ Կադաֆին դիմել է իր կողմնակիցներին սիրիական հեռուստաալիքի եթերից: