Վերջնագիր չեն հանդուրժի

Մեկնաբանելով Լեւոն Տեր-Պետրոսյանի` ՀԱԿ-ի հանրահավաքում արած հայտարարությունը` ՀՀԿ մամլո խոսնակ,  ԱԺ պատգամավոր Էդուարդ Շարմազանովն  ասաց. «Նախեւառաջ ինքը պետք է գիտակցի, որ իշխանությունների հետ վերջնագրով խոսելն անիմաստ է։ Ի տարբերություն իրենց, այս իշխանությունը միշտ էլ պատրաստ է եղել երկխոսության, սակայն երբեք չի հանդուրժի որևէ վերջնագիր: Անցած երեք տարիների ընթացքում նախագահն  առնվազն երեք անգամ հրավիրել է խորհրդակցություններ` քննարկելու երկրի դեմ ծառացած հարցերը, իսկ իրենք միշտ մերժել են այդ հանդիպումները:

Եթե իր կառավարման օրոք իր հետ խոսել են վերջնագրի տեսքով, որի արդյունքում  ինքը հրաժարական է տվել, այս իշխանության հետ նման բան չի լինի: Եվ ամենակարեւորը` հասարակության եւ իշխանության միջեւ միջնորդությունն անիմաստ է: Իշխանությունը լավատեղյակ է հասարակության հոգսերին եւ անում է հնարավորը դրանք մեղմելու համար»: