Թամամյանի հայրն ինքնասպան է եղել

Այսօր լուսաբացին Արաբկիր վարչական շրջանի Բանջարանոցային փողոցի սեփական տանը հայտնաբերվել է Ղուկաս Թամամյանի դիակը: Ֆոտոլրագրող Գագիկ Շամշյանը տեղեկացնում է, որ նա ոստիկանության քրեական հետախուզության գլխավոր վարչության պետ, ոստիկանության գեներալ-մայոր Հովհաննես Թամամյանի հայրն է, որն օրերս ոստիկանապետի հրամանով պաշտոնանկ էր արվել:

Այս պահին դիակը տեղափոխվել է ՀՀ առողջապահության նախարարության  հանրապետական  դատաբժշկական գիտագործնական  կենտրոն:  Նշանակվել  է փորձաքննություն:

Այնտեղ են գտնվում ՀՀ ոստիկանապետի տեղակալներ Հովիկ Հունանյանը, Ալեքսանդր Աֆյանը և Երևանի փոխոստիկանապետ Աշոտ Միրիջանյանը:

Ինչպես հաղորդում է ֆոտոլրագրող Գագիկ Շամշյանը,  հավանական  է` հաստատվի ինքնասպանության վարկածը:

Լուսանկարները` Գագիկ Շամշյանի