«Ես գող եմ եղել, հիմա ի վիճակի չեմ ապրել». տղամարդն ինքնասպան է եղել՝ կամրջից ցած նետվելով

Այսօր՝ հունվարի 31-ին, ողբերգական դեպք է տեղի ունեցել Երևանում. հայտնում է shamshyan.com-ը։ Ժամը 12։00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Կիևյան կամրջի տակ տղամարդու դի կա։

Ոստիկաններն ու քննիչները նշված հատվածում հայտնաբերել են մոտ 40 տարեկան տղամարդու դի։ Ընթերակաների ներկայությամբ դիակի զննման ժամանակ ոստիկաններն ու քննիչները հայտնաբերել են անձնագիր և երկտող, որում գրված է. «Իմ ինքնասպանության մեջ ոչ մեկին չմեղադրեք, ես գող եմ եղել, իսկ հիմա ի վիճակի չեմ ապրել, Համբարձումյան Գեորգի 31.01.2017»։

Քննիչի որոշմամբ` նշված երկտողն առգրավվել է, նշանակվել են մի շարք փորձաքննություններ, այդ թվում՝ դիակի դատաբժշկական և ձեռագրաբանական։ Ոստիկանությունն ու քննչական բաժինը պարզում են նաև մահացածի ինքնությունը` ճշտելու` արդյո՞ք հայտնաբերված անձնագիրը պատկանում է նրան։

Մանրամասն՝ սկզբնաղբյուրում