Դիարբեքիրի Ս. Կիրակոս եկեղեցում պատարագ կմատուցվի

Աղթամարի Սուրբ Խաչ եկեղեցուց հետո թուրքերը սկսել են Միջին Արեւելքի ամենամեծ եկեղեցիներից մեկը`Դիարբեքիրի Սուրբ Կիրակոսի վերականգնումը: Ստամբուլի Հայկական հիմնադրամը եկեղեցու վերականգման գործընթացն առել է իր հսկողության տակ: «Այս եկեղեցին համայն մարդկության ժառանգություն է»,- հայտարարել է հիմնադրամի ղեկավարը:

Դարձյալ ակնկալիքներ կան, որ Հայաստանի եւ Թուրքիայի պաշտոնյաներ, հայկական սփյուռքի ներկայացուցիչներ, բազմաթիվ զբոսաշրջիկներ կայցելեն Թուրքիա` Ս. Կիրակոսի վերաբացմանը եւ այնտեղ մատուցվելիք պատարագին մասնակցելու համար: Արարողությունը նախատեսվում է իրականացնել այս տարվա վերջում:  

Ի տարբերություն Աղթամարի Սուրբ Խաչի, Սուրբ Կիրակոս եկեղեցին Հայոց թեմի սեփականությունը կլինի: