Freedom House. Հայաստանը մասամբ ազատ երկիր

Freedom House իրավապաշտպան կազմակերպությունը հարպարակել է «Ազատությունն աշխարհում 2011թ.: Ավտորիտար մարտահրավեր ժողովրդավարությանը» տարեկան զեկույցը:

Զեկույցում  երկրները դասակարգված են երեք կարգի` «ազատ», «մասամբ ազատ» և «անազատ»:

Նախկին ԽՍՀՄ հանրապետություններից, բացառությամբ բալթյան երկրների (որոնք համարվում են «ազատ» երկրներ), «մասամբ ազատ» դասակարգման տակ են ընկնում Հայաստանը, Վրաստանը (այդ թվում` Աբխազիան, բայց ոչ` Հարավային Օսիան), Ուկրաինան, Մոլդովան և Մերձդնեստրը: Ուշագրավ է, որ Լեռնային Ղարաբաղը դասակարգված է որպես «անազատ» երկիր: Զեկույցի հեղինակները դա   հիմնավորել են նրանով, որ Արցախում վերջին խորհրդարանական ընտրություններին ընդիմադիր թեկնածուներ չեն եղել:

Ռուսաստանը և ԱՊՀ մնացած երկրները համարվում են «անազատ»:

Freedom House-ի գնահատականով` «անազատ» երկրների թիվը մեկ տարվա ընթացքում չի փոխվել` 47 երկիր, որտեղ ապրում է 2.5 միլիարդ մարդ, որոնց շուրջ կեսը` Չինաստանում: «Ազատ» է համարվել 87 երկիր: Այս դասակարգումը լքել են Ուկրաինան և Մեքսիկան: «Մասամբ ազատ» է համարվել 60 երկիր: