ՖԻՖԱ-ն չի նախատեսում հետաձգել կամ տեղափոխել ԱԱ-2026-ի եզրափակիչ հանդիպումը

ՖԻՖԱ-ն չի նախատեսում հետաձգել կամ տեղափոխել ԱԱ-2026-ի եզրափակիչ հանդիպումը Նյու Յորքից, չնայած այն հանգամանքին, որ կանադական անտառային հրդեհներից առաջացած ծուխը հանգեցրել է օդի որակի վատթարացման։ Այս մասին հայտնում է Bloomberg գործակալությունը՝ հղում կատարելով իր աղբյուրներին։

Նշվում է, որ ստեղծված իրավիճակի շուրջ արդեն իսկ ոչ պաշտոնական քննարկումներ են անցկացվել, որոնց մասնակցել են ՖԻՖԱ-ի ներկայացուցիչները և աշխարհի առաջնության հարցերով Սպիտակ տան աշխատանքային խմբի ղեկավար Էնդրյու Ջուլիանին։ Սակայն, ըստ Սպիտակ տան ներկայացուցչի, այս պահին խաղի հնարավոր տեղափոխմանը նվիրված որևէ պաշտոնական հանդիպում նախատեսված չէ։