«Ուխտն ի Մաշտոց» ֆիլմի ցուցադրություն Արևմտահայոց հարցերի ուսումնասիրության կենտրոնում

Սույն թվականի հունիսի 29-ին, երկուշաբթի, ժամը 16։30-ին Արևմտահայոց հարցերի ուսումնասիրության կենտրոնում կկազմակերպվի «Ուխտն ի Մաշտոց» փաստավավերագրական ֆիլմի ցուցադրությունը։ Միջոցառմանը ներկա կգտնվեն և ֆիլմի ստեղծման պատմությունը կներկայացնեն նրա հեղինակները։

«Ուխտն ի Մաշտոց» փաստավավերագրական ֆիլմը նվիրված է դեպի Արևմտահայաստան կատարված մի ուխտագնացության պատմությանը, ուխտագնացություն, որը մեկնարկել է Օշական գյուղից, ուր գտնվում է Մաշտոցի շիրիմը, և հասել մինչև նրա ծննդավայր Հացեկաց գյուղը։

Ռեժիսորը բազմաթիվ ֆիլմերի հեղինակ Արտակ Ավդալյանն է։ Նման ֆիլմ նկարահանելու նախաձեռնության հեղինակներն են Արփի Սուքիասյանն ու Վարդուհի Գրիգորյանը։ Նախագիծը կյանքի է կոչվել Բունիկ/Bounik մշակութային հարթակի կողմից, որը զբաղվում է Օշականի պատմամշակութային ժառանգության պահպանմամբ։

Ֆիլմի ստեղծման և ուխտագնացության գործընթացում ներգրավված են եղել նաև Նորայր Գրիգորյանը, Գևորգ Խաչատրյանը, Տիգրան Խաչատրյանը, Արմինե Հովհաննիսյանը և օպերատոր Բորիս Վարդանյանը։

Մուտքն ազատ է, հրավիրում ենք բոլոր ցանկացողներին։

Ամսաթիվ՝ 29․06․2026 (երկուշաբթի)

Ժամ՝ 16։30

Հասցե՝ Գյուլբենկյան 38, 5-րդ հարկ։

www.akunq.net