Ժողովուրդն ինչ որոշի, այդպես էլ կլինի. Սամվել Կարապետյան

Երևանում քվեարկությանը մասնակցելուց հետո «Ուժեղ Հայաստան» կուսակցության առաջնորդ Սամվել Կարապետյանն անդրադարձել է իր ղեկավարած կուսակցության գրանցումը չեղյալ համարելու վերաբերյալ դիմումին։

«Դա հերթական անշնորհքությունն էր, որ արեցին մեր դաշինքի նկատմամբ։ Բայց ուրախ եմ, որ նույնիսկ իրենց այդ փոքրիկ ուղեղով կարողացան ճիշտ գնահատել իրավիճակը և արեցին ճիշտ ընտրություն։

Այսօր խոսքն ասում է ժողովուրդը, ժողովուրդն ինչ որոշի, այդպես էլ կլինի»,-նշել է Կարապետյանը՝ պատասխանելով հարցին, թե ընդդիմությունը ի՞նչ սցենարի է պատրաստ Փաշինյանի հնարավոր հաղթանակի դեպքում.

«Ուրախ կլինեմ, որ ցնցումներ չլինեին, որովհետև ամեն մի ցնցում մեր երկրի զարգացումը հետ է գցում»։