Փաշինյանն իր օրը սկսում է մայրենիի դասերով․ կարա՞ բառեր կազմի ու ասի՝ Ալիև դուրս հանի զորքերդ ՀՀ տարածքից․ Խամոյան

«Նիկոլ Փաշինյանը, որ գիտի բառերը հայերեն, գիտի՞ նաև նախադասություններ կազմել: Օրինակ՝ Նիկոլ Փաշինյանը կարո՞ղ է ասել՝ Ալիև, դուրս հանի՛ր զորքերդ Հայաստանի Հանրապետության տարածքից: Օրինակ կարո՞ղ է ասել՝ Ալիև, քո պահանջով Հայաստանը սահմանադրություն չի փոխելու։ Օրինակ կարո՞ղ է ասել՝ Ալիև, չնայած նրան, որ դու դեմ ես, բայց ես հրապարակելու եմ տեղեկատվությունը, որով, ինչպես խոստանում էի պատերազմից առաջ, պայթեցնելու եմ Ադրբեջանը: Եվ ամենակարևորը՝ Իլհամ Ալիև, քո պահանջով Հայաստանում ադրբեջանցիներ չեն բնակեցվելու: Ինձ հետաքրքիր է այս նախադասությունները Նիկոլ Փաշինյան կարո՞ղ է արտասանել»- այս մասին Իջևանում քարոզարշավի ժամանակ հայտարարեց «Հայաստան» խմբակցության պատգամավոր Ագնեսա Խամոյանը։