Լիբանանի հարավում հայ երիտասարդ է զոհվել. «Արևելք»

«Արևելք» լրատվականը գրում է.

«Երեկվանից համացանցում լայնորեն տարածվում է Ադամ Գրիգոր Հեքիմյանի մահվան լուրը։

«Հզբոլլահի»-ին մոտ կանգնած էջերը հայտնում են, որ նա զոհվել է Լիբանանի հարավում ընթացող ռազմական գործողություններին մասնակցելիս։

Մինչ այժմ հայ երիտասարդի սպանության հանգամանքների մասին հստակ մանրամասներ չեն հրապարակվել։

Կարծիք կա, որ զոհված երիտասարդը հիմնականում հեռու է եղել հայկական միջավայրից և համայնքից, մեծացել է Լիբանանի շիա համայնքի շրջանակում։

Պաշտոնապես չի հաստատվում, որ եղել է «Հըզպալլա»-ի անդամ, սակայն նույն աղբյուրները դրական կերպով են խոսում հարավային շրջանի նկատմամբ նրա ունեցած պատկանելիության զգացման և նվիրվածության մասին։

Նաև տեղեկություններ կան, որ ևս մեկ հայ երիտասարդ է սպանվել, սակայն այդ մասին առայժմ հստակ տվյալներ չեն հաղորդվում»։