Իրանը մի քանի ամսից կվերականգնի վնասված իր էներգետիկ օբյեկտների մեծ մասը. փոխնախարար

Իրանը նախատեսում է մեկ-երկու ամսվա ընթացքում վերականգնել ԱՄՆ-ի և Իսրայելի հարվածներից վնասված նավթավերամշակման գործարանների մեծ մասը՝ դրանք վերադարձնելով իրենց հզորության 70-80%-ին։ Այս մասին հայտարարել է Իրանի նավթի փոխնախարար Մոհամմադ Սադիղ Ազիմիֆարը։

«Մենք կկարողանանք վնասված նավթավերամշակման գործարանների մեծ մասը վերադարձնել իրենց նախկին հզորության 70-80%-ին մեկ-երկու ամսվա ընթացքում, իսկ հետո, միջնաժամկետ և երկարաժամկետ հեռանկարում, կկարողանանք դրանք վերականգնել մինչև 100%»,- ասել է նա՝ նշելով, որ Լավան կղզու նավթավերամշակման գործարանը շուտով կվերականգնվի, իսկ մասնակի շահագործումը նախատեսվում է 10 օրվա ընթացքում։