Վրաստանում 1989 թվականի անմեղ զոհվածների հիշատակին 21 անգամ հնչել են Հավլաբարի Սուրբ Էջմիածին եկեղեցու զանգերը

Ապրիլի 9-ը Վրաստանում նշվում է որպես ազգային միասնության, քաղաքացիական դիմադրության և 1989 թվականի ողբերգական իրադարձությունների զոհերի հիշատակի օր։

Թբիլիսիում անցկացվել են հիշատակի միջոցառումներ ինչպես պետական մակարդակով, այնպես էլ հասարակական և կրոնական համայնքների կողմից։ Ապրիլի 9-ի զոհերի հուշահամալիրի մոտ իշխանության, խորհրդարանի, դիվանագիտական կորպուսի և հասարակության ներկայացուցիչները ծաղիկներ են դրել և հարգանքի տուրք մատուցել զոհերի հիշատակին։

Նույն օրը, 1989 թվականին անմեղ զոհվածների հիշատակին, 21 անգամ հնչեցին Հավլաբարի Սուրբ Էջմիածին եկեղեցու զանգերը։

Ավանդույթի համաձայն, Երևանի անվան պուրակում գտնվող խաչքարի՝ 1989 թվականի ապրիլի 9-ի զոհերին նվիրված հուշարձանի մոտ, Սուրբ Էջմիածին եկեղեցու հոգևոր սպասավորների կողմից անմիջապես հուշարձանի մոտ կատարվեց հոգեհանգստյան կարգ։ Խաչքարը խորհրդանշում է զոհերի հիշատակը և արտահայտում է հայ համայնքի համերաշխությունը Վրաստանում տեղի ունեցած այդ ողբերգության նկատմամբ։

Արարողությունից հետո հայ համայնքի ներկայացուցիչները կակաչներ խոնարհեցին հուշարձանին, և հնչեցվեց Վրաստանի պետական օրհներգը։

Արարողությանը մասնակցել են նաև Վրաստանում Հայաստանի Հանրապետության արտակարգ և լիազոր դեսպան Աշոտ Սմբատյանը և դեսպանության ներկայացուցիչները, որոնք ծաղիկներ են խոնարհել հուշարձանին։

Աղբյուրը՝ Vector News։