Թբիլիսիի քաղաքապետը չի կարողանում դուրս գալ Աբու Դաբիից

Թբիլիսիի քաղաքապետարանի մամուլի ծառայությունը հաստատել է, որ քաղաքապետ Կախա Կալաձեն չի կարողանում դուրս գալ Աբու Դաբիից: Այս մասին հայտնում են տեղական լրատվամիջոցները:

«Շաբաթ-կիրակի օրերին Թբիլիսիի քաղաքապետ Կախա Կալաձեն գտնվել է Աբու Դաբիում. ստեղծված իրավիճակի պատճառով նա դեռևս չի կարողանում մեկնել Վրաստան», – հայտնել են քաղաքապետարանից:

Կալաձեն և նրա կինը՝ դիզայներ Անուկի Արեշիձեն, անցյալ շաբաթ այցելել են ԱՄԷ։ Տեղական լրատվամիջոցների տվյալներով՝ այցը համընկել է նրա ծննդյան օրվա հետ։

Ավելի վաղ լրատվամիջոցները հայտնել էին, որ Կալաձեն կնոջ հետ մեկնել էր ճամփորդության՝ իր ծննդյան օրը նշելու համար: Ուղևորությունը համընկել է Մերձավոր Արևելքում իրավիճակի սրման հետ, ինչի պատճառով մի շարք երկրներ փակել են իրենց օդային տարածքը: