Շվեյցարիայում հունվարի 9-ը ազգային սգո օր կհայտարարվի՝ ի հիշատակ հանգստավայրում զոհվածների

Շվեյցարիայի կառավարությունը, եկեղեցիների հետ համագործակցությամբ, ծրագրում է հունվարի 9-ը հայտարարել ազգային սգո օր՝ ի հիշատակ Ամանորի նախօրեին Կրան-Մոնտանայի բարերից մեկում բռնկված հրդեհի զոհերի։ Այս մասին կիրակի SonntagsBlick թերթին տված հարցազրույցում հայտնել է Շվեյցարիայի նախագահ Գի Պարմելինը։

Ուրբաթ օրը՝ տեղական ժամանակով 14:00-ին, Շվեյցարիայի բոլոր եկեղեցիների զանգերը կհնչեն՝ ի նշան ազգային համերաշխության։ Ըստ Պարմելինի, այդ ժամին կհայտարարվի նաև լռության րոպե։

«Խորհրդածության այս պահին Շվեյցարիայի ողջ ժողովուրդը կարող է անձամբ հարգել աղետի զոհերի հիշատակը»,- ասել է նա։

Լռության րոպեն և եկեղեցական զանգերի ղողանջը տեղի կունենան Կրան-Մոնտանայում սգո արարողությանը զուգահեռ։ Հրդեհի զոհերի հիշատակի պաշտոնական արարողությունը ծրագրված է հունվարի 9-ին, հայտնում է համայնքապետարանի կայքը։

Շվեյցարիայի նախագահը արարողությանը կմասնակցի կառավարության նախարարների հետ։