Արման Ծառուկյանը հաղթեց Դեն Հուքերին

Դոհայում անցկացված խառը մենամարտերի UFC 265 մրցաշարում թեթև քաշային կարգում (70 կգ) UFC դասակարգման առաջին համար Արման Ծառուկյանը (Հայաստան) մենամարտեց Դեն Հուքերի (Նոր Զելանդիա) հետ և հաղթեց խեղդող հնարքով:

Հայ մարտիկը օկտագոն դուրս եկավ հայկական զուռնայի հնչյունների ներքո: Նրան մարզադահլիճում աջակցում էին մեծ թվով հայ երկրպագուներ Հայաստանի և Արցախի դրոշներով: Ծառուկյանին մարզադահլիճում աջակցում էին նաև ըմբշամարտի Հայաստանի հավաքականի առաջատարներ Արթուր Ալեքսանյանը, Մալխաս Ամոյանը և Արսեն Հարությունյանը: Օկտագոն դուրս գալուն պես ամբողջ դահլիճը վանկարկում էր Արման Ծառուկյանի անունը:

Արման Ծառուկյանը երկրորդ ռաունդի երկրորդ րոպեում մրցակցին տապալեց գետնին, իրար հաջորդող հարվածներից հետո խեղդող հնարքով ավարտեց մենամարտը:

«Շնորհակալ եմ Դեն Հուքերին: Նրա շնորհիվ ես մենամարտեցի այս տարի: Կա միայն մեկ հավակնորդ: Իլիյա, որտե՞ղ ես: Բավական է ընտրես թեթև մրցակիցների: Ես պետք է պայքարեմ գոտու համար: Պատրաստ եմ մենամարտել հունվարին»,-մենամարտից հետո ասել է Արման Ծառուկյանը:

Թեթև քաշային կարգում UFC չեմպիոնը Իսպանիան ներկայացնող վրացի Իլիյա Տոպուրիան է։

Արման Ծառուկյանը դարձավ չեմպիոնական տիտղոսի հավակնորդ։

Արման Ծառուկյանը խառը մենամարտերում տարել է 22 հաղթանակ, որից 9 նոկաուտով և կրել 3 պարտություն:  Նոր Զելանդիան ներկայացնող Դեն Հուքերը 35 տարեկան է: UFC-ում ունի 24 հաղթանակ 12 պարտություն:

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F806399385725283%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>