Ուկրաինայի և ՌԴ-ի միջև խաղաղ կարգավորման ցանկացած ծրագիր պետք է մի քանի նպատակ հետապնդի․ ԱՄՆ փոխնախագահ

Ուկրաինայի և Ռուսաստանի միջև խաղաղ կարգավորման ցանկացած ծրագիր պետք է հետապնդի երեք նպատակ։ Այս մասին սոցիալական ցանցերում գրել է ԱՄՆ փոխնախագահ Ջեյ Դի Վենսը։

«Ուկրաինայի և Ռուսաստանի միջև խաղաղ կարգավորման ցանկացած ծրագիր պետք է՝

1. դադարեցնի սպանությունները՝ պահպանելով Ուկրաինայի ինքնիշխանությունը,
2. ընդունելի լինի ինչպես Ռուսաստանի, այնպես էլ Ուկրաինայի համար,
3. առավելագույնս մեծացնի այն հավանականությունը, որ պատերազմը չի վերսկսվի։

Խաղաղ համաձայնագրի ցանկացած քննադատություն, որի վրա աշխատում է վարչակազմը, կամ սխալ է այն հասկանում, կամ խեղաթյուրում է որոշ կարևոր իրողություններ։ Կա պատրանք, թե եթե մենք պարզապես ավելի շատ գումար տանք, զենք տրամադրենք կամ ուժեղացնենք պատժամիջոցները, հաղթանակը մոտ կլինի։ Խաղաղությունը չի հաստատվի անհաջող դիվանագետների կամ քաղաքական գործիչների կողմից, որոնք ապրում են պատրանքների աշխարհում։ Այն կարող են հաստատել խելացի մարդիկ, որոնք ապրում են իրական աշխարհում», - նշել է Վենսը։