«Տանիքի տոն» Firdus Prime Residence-ում․ կրթական նոր օջախ և ապագա Երևանի տեսլական

Այսօր Firdus Prime Residence թաղամասում նշվեց Մանուկ Աբեղյանի անվան ուսումնական հաստատության նոր մասնաշենքի «Տանիքի տոն»-ը, որը սկանդինավյան մշակույթից ներշնչված ավանդույթ  է և խորհրդանշում է շինարարության կարևոր փուլերից մեկի ավարտը։

Միջոցառմանը մասնակցել են ոլորտի ներկայացուցիչներ, շինարարության մասնագետներ և կրթական համայնքի անդամներ։ Կառուցապատողների հայկական ասոցիացիայի նախագահ Գուրգեն Գրիգորյանը նշեց, որ նախագիծը վկայում է պետություն–մասնավոր համագործակցության և սոցիալական պատասխանատվության հաջող օրինակ լինելու մասին։

Նոր մասնաշենքը, որը կառուցվում է միջազգային չափանիշներով, կդառնա ժամանակակից կրթական միջավայրի ու նոր սերնդի կրթական զարգացման կարևոր կենտրոն։  Firdus Prime Residence-ը, շինարարական թիմի համոզմամբ, ձգտում է ձևավորել ոչ միայն բնակելի տարածք, այլև արժեքային ու կրթական միջավայր՝ ապագա Երևանի տեսլականով։

Թեմայի մանրամասները՝ տեսանյութում։