Փոխարժեքներ 05 10 2025
USD	⚊	$ 382.76
EUR	⚊	€ 449.25
RUB	⚊	₽ 4.6684
GBP	⚊	£ 514.85
GEL	⚊	₾ 140.62

կարևոր

Շուտով պարզ կդառնա, թե որ կողմ է պտտվում պատմության ճոճանակը ՀՀ-ում․ քաղաքագետ
15 ժամ առաջ Քաղաքական
Բոլորը պատասխան են տալու, Աստծո դատին կարժանանան․ Գյումրու քաղաքապետի խորհրդական, ՀՅԴ անդամ՝ Հովսեփ Սիմոնյան
17 ժամ առաջ Հասարակություն
«Մեր ձևով» շարժումը հունվարին կսկսի քաղաքական միավորի պրոցեսները, կասենք, թե ինչ ենք արել․ Նարեկ Կարապետյան
19 ժամ առաջ Հասարակություն
Սա կմնա այս չիշխանության ամոթն ու խայտառակությունը․ «Հայաստան» խմբակցության պատգամավորները տեսակցել են Միքայել Սրբազանին
19 ժամ առաջ Հասարակություն
«Մեր ձևով» շարժմանը միացողների թիվը գնալով շատանում է ու դեռ կշատանա․ Ալեքսան Ալեքսանյան
20 ժամ առաջ Իրավական
«Մեր ձևով» շարժման գրասենյակի բացումը Գյումրիի համար լինելու է բեկումնային․ Ռուբեն Մխիթարյան
20 ժամ առաջ Հասարակություն
«Մեր ձևով» շարժումն իր 1-ին գրասենյակը բացեց Գյումրիում, կարմիր ժապավենը կտրեց Նարեկ Կարապետյանը
21 ժամ առաջ Հասարակություն
Վստահ եմ կազատվենք այս ազգադավ իշխանություններից և արդարադատությունը կվերականգնվի․ Մհեր Մելքոնյան
22 ժամ առաջ Հասարակություն
Միքայել Սրբազանը բանտարկվեց թուրքի ձեռքով․ էսօր մի գրիչի հարվածով խաղաղությունը տալիս են․ գյումրեցի
22 ժամ առաջ Հասարակություն
Անբարոյականություն է Սրբազանին դատելը․ ինչ որ անում է Ալիևը Ադրբեջանում, նույնը անում է Նիկոլը ՀՀ-ում․ Վարդան Ղուկասյան
22 ժամ առաջ Հասարակություն

709 դիտում,

2 ժամ առաջ - 2025-10-05 10:48

Հասարակություն

Ամենայն Հայոց Կաթողիկոսն ընդունեց Հայ օգնության ֆոնդի տնօրենների խորհրդի անդամներին

Հոկտեմբերի 4-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Հայաստանյայց Առաքելական Սուրբ Եկեղեցու ԱՄՆ Հայոց Արևելյան թեմի Հայ օգնության ֆոնդի (ՀՕՖ) տնօրենների խորհրդի անդամներին ու բարերարներին՝ ուղեկցությամբ ԱՄՆ Հայոց Արևելյան թեմի առաջնորդ, ՀՕՖ-ի նախագահ Գերաշնորհ Տ. Մեսրոպ եպիսկոպոս Պարսամյանի և ՀՕՖ-ի տնօրենների խորհրդի ատենապետ Ռանդի Սապահ-Գուլյանի։ Այս մասին հայտնում են Մայր Աթոռ Սուրբ Էջմիածնի տեղեկատվական համակարգից:

«Հանդիպմանը Մեսրոպ եպիսկոպոսը, հայցելով Նորին Սրբության օրհնությունը, ներակայցրեց հյուրերին և հիմնադրամի ծավալած գործունեությունը:

Այնուհետև Ամենայն Հայոց Կաթողիկոսն իր հայրապետական օրհնությունը բերեց ներկաներին՝ բարձրորեն գնահատելով այն ազգաշահ առաքելությունը, որ ՀՕՖ-ը իրականացնում է հայրենիքում և սփյուռքում:

Հայոց Հովվապետը, անդրադարձ կատարելով հիմնադրամի ազգանվեր և եկեղեցանվեր գործունեությանը, նշեց որ հայրենիքի համար ծանր ու փոթորկալի ժամանակներում ՀՕՖ-ը իր կարելիություններն ի սպաս է դրել ազգի զավակների հոգածության համար և իր ավանդն է բերել երկրի կրթական, մշակութային, սոցիալական, առողջապահական ոլորտներում, ինչպես և Հայաստան-սփյուռք կապերի սերտացմանը։

Ամենայն Հայոց Հայրապետն իր մասնավոր գնահատանքը փոխանցեց նաև ՀՕՖ-ի առաքելությանը սատարող բարեկամներին ու բարերար հայորդիներին՝ ընդգծելով, որ նրանց ներդրումի և ազնիվ ծառայության շնորհիվ բարեզարդվում ու պայծառանում է եկեղեցական և ազգային կյանքը։

Զրույցի ընթացքում Նորին Սրբությունը մտահոգությամբ անդրադարձավ հայ ժողովրդի առջև ծառացած ներքին ու արտաքին մարտահրավերներին՝ կարևորելով սփյուռքի ազգային կառույցների, ինչպես նաև ՀՕՖ-ի ջանքերն ի նպաստ առկա խնդիրների հաղթահարման, հայրենիքի զորացման ու առաջընթացի։

Իր խոսքում Վեհափառ Հայրապետը գնահատանքով ընդգծեց, որ հոգևոր դասի ու եկեղեցանվեր հայորդիների նախանձախնդրության ու նվիրումի շնորհիվ Եկեղեցին անշեղորեն իրականացնում է իր առաքելությունը։

Հանդիպմանը Նորին Սրբությունը պատասխանեց նաև ներկաների հարցերին, որոնք վերաբերում էին Մայր Աթոռի գործունեությանը տարբեր ոլորտներում և ծրագրերին:

Վերջում Ամենայն Հայոց Կաթողիկոսը մաղթեց, որ Տերն օրհնի և զորավիգ լինի թեմակալ առաջնորդին, ՀՕՖ-ի անդամներին, բարեկամներին ու բարերարներին իրենց բոլոր ազգօգուտ նախաձեռնություններում»,- նշված է հաղորդագրության մեջ: