Շվեդիան 122 մլն դոլար կհատկացնի Ուկրաինային

Շվեդիայի կառավարությունը որոշել է Ուկրաինային քաղաքացիական աջակցության նոր փաթեթի համար հատկացնել 1.145 միլիարդ կրոն (122 միլիոն դոլար)։ Այս մասին հաղորդել է կառավարության գրասենյակը։

Նոր աջակցության փաթեթը ուղղված կլինի Ուկրաինայի ամենահրատապ կարիքների բավարարմանը։ Դրանք ներառում են «էներգամատակարարում, բնակարանային ապահովում, առողջապահություն, ականազերծում, փախստականներին օգնություն և անկախ լրատվամիջոցներ»։ Հատկացված միջոցներից 145 միլիոն կրոն (15.44 միլիոն դոլար) նախատեսված է մարդասիրական օգնության համար։

Ընդհանուր առմամբ, Շվեդիայի քաղաքացիական աջակցությունը Ուկրաինային 2025 թվականին կհասնի 9 միլիարդ կրոնի (958 միլիոն դոլար), որը կազմում է զարգացման նպատակով հատկացվող Շվեդիայի բյուջեի 16%-ը։