UFC-ից կարծում են, որ Տոպորիայի հաջորդ մրցակիցը պետք է լինի Արման Ծառուկյանը

UFC-ի մեկնաբան Ջոն Անիքը կարծում է, որ թեթև քաշային կարգի գործող չեմպիոն Իլիա Տոպուրիայի հաջորդ մրցակիցը պետք է լինի Արման Ծառուկյանը։ Այս մասին գրում է Արմսպորտը։

Տոպուրիան ներկայումս UFC-ի թեթև քաշային կարգի չեմպիոնն է։ Նա տիտղոսը նվաճել է UFC 317 մրցաշարում՝ առաջին ռաունդում նոկաուտով հաղթելով բրազիլացի Չարլզ Օլիվեյրային։

«Արդարության տեսանկյունից՝ հաջորդ մրցակիցը պետք է լինի Արման Ծառուկյանը։ Թեկնածուների հերթականությունը հետևյալն է՝ Ծառուկյան, ապա Գեյջի, և հետո Փիմբլեթ», — Անիքի խոսքերը մեջբերում է The Schmo-ն։

Ծառուկյանը 25 մենամարտում տարել է 22 հաղթանակ։ Սպասվում է, որ նրա հաջորդ մրցակիցը կլինի նորզելանդացի Դեն Հուքերը։