ՈւՂԻՂ.«Ազատություն Բաքվի հայ գերիներին». Արմեն Աշոտյանի ակցիան` ԵՄ դեսպանության առջև

ՀՀԿ փոխնախագահ Արմեն Աշոտյանն այս պահին ԵՄ դեսպանատան մոտ լուռ և միայնակ ակցիա է իրականացնում՝ նվիրված Բաքվում պահվող հայ պատանդների, ռազմագերիների և քաղբանտարկյալների ազատությանը։ Նրա ձեռքերը շղթայված են դարպասների ճաղերին։

Ֆեյսբուքյան եթերում, հայտնելով ակցիայի մասին, Աշոտյանն ասել էր․ «Ինչո՞ւ ԵՄ դեսպանատան մոտ․ Այն արժեքները, որոնք քարոզվել են որպես ոչ միայն եվրոպական այլ նաև համամարդկային արժեքներ, ոտնահարվում են հենց այն կառույցի կողմից, որը պետք է այդ արժեքներիի կրողը լիներ։ Համապատասխան ճնշումներ չեն գործադրվում պաշտոնական Բրյուսելից ո՛չ Բաքվի, ո՛չ էլ Երևանի ռեժիմի վրա, որպեսզի օր առաջ հայրենիք վերադառնան տասնյակ հայորդիներ»։