Տեսնում ենք ՀՀ իշխանությունների կողմից ժողովրդին խաբելու փորձերի նոր փուլ․ Արա Աբրահամյան

Վաշինգտոնյան հանդիպումն ազդարարեց Հարավային Կովկասում քաղաքական խաղացողների մեկնարկային կազմի փոփոխությունները։ Այս մասին հայտարարել է Ռուսաստանի հայերի միության նախագահ Արա Աբրահամյանը:

«Հիմա, Վաշինգթոնում տեղի ունեցած ֆիասկոյից հետո, Փաշինյանը իր ողջ դժգոհությունը՝ միջազգային նվաստացման համար, որը գագաթնակետին հասավ Վաշինգթոնում կայացած «երկու հաղթողների և մեկ պարտվողի գագաթնաժողովին» իր մասնակցությամբ, կգործադրի իր սեփական ժողովրդի նկատմամբ՝ շարունակելով հալածանքների և վրեժխնդրության քաղաքականությունը նրանց նկատմամբ, ովքեր խոսում են պետական ինքնիշխանության, Հայ Առաքելական եկեղեցու և հայ ինքնության պահպանման պաշտպանության մասին: Մենք արդեն տեսնում ենք մանիպուլյացիաների և Հայաստանի իշխանությունների կողմից ժողովրդին կրկին խաբելու փորձերի նոր փուլ: Ընտրությունների մոտենալուն զուգընթաց սա միայն կաճի»,- նշել է Աբրահամյանը: