Մահացել է ամերիկացի հայտնի կինոդերասան Հալք Հոգանը

Յոթանասունմեկ տարեկան հասակում կյանքին հրաժեշտ է տվել ամերիկացի հայտնի դերասան, հեռուստահաղորդավար և ըմբիշ Հալք Հոգանը։ Այս մասին հայտնում է TMZ Sports-ը։

«Հալք Հոգանը մահացել է 71 տարեկանում»,- նշել է աղբյուրը։

Հաղորդվում է, որ դերասանը մահացել է սրտի կանգից։

Հալք Հոգանը դերասանի առավել հայտնի անունն է, սակայն նրա իրական անուն և ազգանունն է Թերրի Ջին Բոլեա։ Նա ունեցել է հաջողակ կինոկարիերա, որը սկսվել է 1982 թվականին՝ «Ռոքի III» ֆիլմում, որտեղ մարմնավորել է Թանդերլիփսի պաշտամունքային կերպարը: Հոգանը նաև նկարահանվել է «Առանց արգելքների», «Արվարձանային հրամանատար» և «Պարոն դայակ» ֆիլմերում: Նա նկարահանվել է VH1-ի հիթային «Հոգանը լավագույնը գիտի» ռեալիթի շոուում՝ իր ընտանիքի՝ Լինդայի, Նիքի և Բրուքի հետ: