Իրանի հզոր պատասխանը թշնամուն կստիպի զղջալ իր անխոհեմ արարքի համար․ Իրանի նախագահ

Իրանի Իսլամական Հանրապետության օրինական և հզոր արձագանքը կստիպի թշնամուն զղջալ իր անխոհեմ արարքի համար։ Այս մասին հայտարարել է Իրանի նախագահ Մասուդ Փեզեշքիանը այսօր լուսաբացին սիոնիստական ​​ռեժիմի կողմից կատարված դաժան հանցագործությանը նվիրված հեռուստատեսային ուղերձում, գրում է իրանական irna.ir գործակալությունը։

«Այսօր Իրանի ժողովուրդը, ավելի քան երբևէ, կարիք ունի համերաշխության, վստահության, միասնության և ներդաշնակության, և Ամենակարողի օգնությամբ, տոգորված այս անգին ոգով, կտա կոշտ, իմաստուն և ուժեղ պատասխան օկուպացիոն ռեժիմի հանցագործությանը», - ասել է պետության ղեկավարը։

Իր ելույթի մեկ այլ մասում Փեզեշքիանը նշել է, որ այս դաժան հանցագործությունը, որը կատարվել է բոլոր միջազգային պարտավորությունների խախտմամբ, հաստատում է անօրինական սիոնիստական ​​ռեժիմի հանցավոր բնույթը, որը իր գոյությունը կառուցել է օկուպացիայի, ագրեսիայի և երեխաների սպանության վրա։

Նշելով, որ Իրանի ժողովուրդը և երկրի պաշտոնյաները չեն մնա անտարբեր այս հանցագործության առջև, Իրանի նախագահը շեշտել է, որ Իրանի Իսլամական Հանրապետության օրինական և հզոր արձագանքը կստիպի թշնամուն զղջալ իր անխոհեմ արարքի համար։