Թրամփը պատրաստ է հանդիպել Պուտինի և Զելենսկու հետ. Սպիտակ տուն

ԱՄՆ նախագահ Դոնալդ Թրամփը պատրաստ է ընդունել Թուրքիայի նախագահ Ռեջեփ Թայիփ Էրդողանի հրավերը՝ Թուրքիայում եռակողմ խաղաղության բանակցություններ անցկացնելու Ռուսաստանի և Ուկրաինայի առաջնորդների հետ, սակայն կարևոր է, որ Վլադիմիր Պուտինը և Վլադիմիր Զելենսկին պատրաստ լինեն նստել բանակցությունների սեղանի շուրջ, հայտարարել է Սպիտակ տունը։

«Նախագահը նշել է, որ բաց է դրա համար, եթե բանը հասնի դրան, սակայն նա ցանկանում է, որ երկու առաջնորդներն էլ և երկու կողմերը միասին նստեն բանակցությունների սեղանի շուրջ», -ըստ BBC-ի՝ հայտարարել է Սպիտակ տան մամուլի քարտուղար Քերոլայն Լևիթը։

Զելենսկին միաժամանակ պատրաստակամություն է հայտնել հանդիպել Թրամփի և Պուտինի հետ։