Ռուսական բանակը վերահսկողության տակ է վերցրել Սումիի Վլադիմիրովկա և Բելովոդա գյուղերը

Ուկրաինայի Սումիի մարզում ռուս զինվորականները վերահսկողության տակ են վերցրել երկու բնակավայր՝ Բելովոդին և Վլադիմիրկան Կուրսկի մարզի սահմանների մոտ, հայտնում է ՌԴ պաշտպանության նախարարությունը:

««Հյուսիս» զորքերի խմբավորման ստորաբաժանումների կողմից ակտիվ և վճռական գործողությունների արդյունքում ազատագրվել են Սումիի մարզի Վլադիմիրովկա և Բելովոդի բնակավայրերը»,-ասվում է ռուսական գերատեսչության ամփոփագրում:

Նշվում է, որ նրանք նաև խոցել են Ուկրաինայի զինված ուժերի կենդանի ուժի և դեսանտագրոհային տեխնիկայի, երկու մեքենայացված բրիգադների և տարածքային պաշտպանության բրիգադի կուտակումները Սումիի մարզի Յաբլոնովկա, Ալեքսեևկա, Սադկի, Պիսարևկա և Օսոևկա բնակավայրերի շրջաններում:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։