Իշխանությունը Սերժ Սարգսյանի դեմ հերթական կեղծ մեղադրանքն է փաթեթավորել․ Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է․

«Իշխանությունը 3-րդ նախագահ Սերժ Սարգսյանի դեմ հերթական կեղծ մեղադրանքն է փաթեթավորել, որն արժանանալու է մնացած բոլոր գործերի ճակատագրին` պայթելու է և ցույց է տալու գործող կառավարիչների քաղաքական մերկությունն ու սնանկությունը:

Վերջին շրջանում իշխանությունը միանգամից մի քանի ճակատով է գործում` մի քանի գործերով զուգահեռ գրոհում է:

Իշխանությունը համարում է, որ ինքը կորցնելու բան չունի, որովհետև պետության փողն է վատնվում է քննչական, դատախազական, դատական տիրույթում, իսկ ակնկալիքն այն է, որ Սերժ Սարգսյանն ու ՀՀԿ-ն հավելյալ ռեսուրս կծախսեն այս գործընթացի քաղաքական և ժամանակային իմաստով, իսկ քարոզչական մասով էլ փորձում են անել անհնարինը` հանրությանը համոզել մի բանում, ինչը 7 տարի է չի ստացվում:

Կեղծ մեղադրանքներն ու դատական նիստերը քաղաքական ընդդիմախոսների դեմ գործածվող այն գործիքներից է, որով փորձ է արվում տարբեր գործիչներին շեղել քաղաքական կենտրոնացումից և էական ժամանակ վատնել այլ տիրույթում»: