Ազատի կացարանի հրդեհի գործով զորամասի փոխհրամանատարը չի կալանավորվի․ վերաքննիչը մերժել է դատախազության բողոքը

Վերաքննիչ դատարանը անփոփոխ թողեց Ազատ գյուղի հրդեհի գործով զորամասի հրամանատարի թիկունքի գծով տեղակալի նկատմամբ ընտրված խափանման միջոց կալանքը փոփոխելու մասին գործը քննող դատարանի որոշումը։

2023թ. հունվարի 19-ին ՀՀ Գեղարքունիքի մարզի Ազատ գյուղում տեղակայված զինվորական կացարանում տեղի ունեցած ողբերգական դեպքի դատական քննության փուլում ՀՀ Պաշտպանության նախարարության համապատասխան զորամասի հրամանատարի թիկունքի գծով տեղակալի` մեր վստահորդ և գործով մեղադրյալ Գ.Ա.-ի նկատմամբ ընտրված խափանման միջոց կալանքը գործը քննող դատարանի որոշմամբ փոփոխվել և կիրառվել է տնային կալանք` համակցված գրավով և բացակայելու արգելք խափանման միջոցներով: Այս մասին հաղորդում է LSA իրավաբանական գրասենյակը։

Դատարանի հիշյալ որոշման դեմ դատախազության կողմից բերված վերաքննիչ բողոքը մերժվել է, բողոքարկված դատական ակտը թողնվել է անփոփոխ: