Հայտնի են ամառային զորակոչի ու զորացրման ժամկետները

ՀՀ կառավարությունն այսօր որոշեց  2025 թվականի ապրիլի 21-ից մինչև հուլիսի 31-ը ներառյալ հայտարարել պարտադիր զինվորական և այլընտրանքային ծառայությունների ամառային զորակոչը։ Ըստ այդմ՝ կզորակոչվեն  18 տարին լրացած արական սեռի ներկայացուցիչները, եւ նրանք,  որոնց շարքային կազմի պարտադիր զինվորական ծառա¬յության զորակոչից նախկինում տրված տարկետումը դադարում է մինչև 2025 թվականի հունիսի 30-ը ներառյալ։

Զինված ուժերի համալրումը շարքային կազմի պարտադիր զինվորական ծառայության կամ այլընտրանքային զինվորական ծառայության ենթակա քաղաքացիներով կիրականացվի  2025 թվականի հունիսի 23-ից մինչև հուլիսի 31-ը ներառյալ, իսկ զորացրումը՝ հունիսի 26-ից մինչև հուլիսի 31-ը ներառյալ: